Info Praia

Tersêru idisôn di Festa di Midju ta kuntisi êss fim-di-simana na Tarrafal di Santiagu

Programadu pa kuntisi di manhãn ti dumingu tersêru idisôn di Festa di Midju ta kuntisi êss fim-di-simana na Tarrafal di Santiagu.

Eventu gastronómiku, kultural di arti e tradisôn kabu-verdiana ê organizadu pa dinamizador cultural e artista Princezito.

Na parti gastronómiku t’ofresidu pratu fêtu à basi di midju sima: papa, tentenrém, camoca, massa, cufongo, pastel e katxupa.

E na ária di músika stá previstu aprisentasôn di batuku, funaná, disfili di tabanka, toki di gaita e ferrinhu pa mostra modi ki surgi Kotchipó e funaná.

Tambê ê um oportunidade pa sensibiliza pessoas pa protêgi inkosta, orla marítima e nôs biodiversidadi, pa um ambienti saudável.