Info Praia

Dlegasia di Saúdi di Són Filipe, na Fogo, já notifica 10 kazu suspeitu di Dengue

Dlegasia di Saúdi di Són Filipe, na Fogo, já notifica 10 kazu suspeitu di Dengue.

Material pa fazi exami e pa konfirma si kazu ê pusitivu ô não djá mandadu pa Praia pa dipôs mandadu pa Dakar.

Simana passado foi anunsiadu dôs kazu konfirmadu na Praia.

Dengue ê um doença provokadu pa pikada di muskitu Aedes Egypti – kêl muskitu ki tem korpu riska-riska.

INSP – Institutu Nasiunal di Saúdi Públika – djá alerta pa nu manti um ambienti saudável pa kombati doença.

Pa kêli nos tudu nu tem ki djunta môn pa manti muskitu longi nôs.

Alguns di kês midida ê pa nu ka dexa água paradu dentu nos kaza ô pertu del, pa nu poi lixivia ô areia na água pa muskitu katem spasu pa kria. Bebedôr di animal dêbi ser labadu e sfregadu ku skova pelo menus 1 bez pa simana e evita dexa lixo djuntadu. Tambê nu manti hábitu di poi repelenti na parti di korpu ki ta fika sem kubri ku rôpa.

Inda Diresôn Nasiunal di Saúdi já orienta teknikus di tudu strutura di saúdi pa stá atento na kalker kazu suspeitu pa implementa protokolu determinadu.