Info Praia

Praia stá ku 17 kazu suspeitu di dengue e seis konfirmadu

Di kês 17 kazu suspeitu di dengue ki Delegasia di Saúdi di Praia manda pa Instituto Pasteur di Senegal pa análise, seis foi konfirmadu.

Di akordu ku delegada Ulardina Furtado kês kazu testadu pusutivu djá sta na tratamento.

Delegasia di Saúdi djá stá na terrenu ta trabadja pa minimiza chanci di muskitu kontinua ta omenta. Grupus sa ta pulveriza spásus nundi tem txeu lixu, na parduêru e ôtus spasu nundi podi tem agu paradu ô ambienti prupisiu pa muskitu.

Tambê delegasia ta pidi tudu alguém p afazi si parti, pa nu ka dá muskitu chanci.

Pa lembra ma na 2009, Kabu Verdi têvi um surtu di dengue nundi registadu más di 21 mil kazu e 6 morti.

Kês principal sintoma di Dengue é: Mal Estar, Falta de Apetite, Dor di kabesa, Mancha vermelhu na korpu, fébri di más di 38,5 grau, dor muscular e dor riba d’oju.