Info Praia

A partir dess sexta-fêra (01) kombustível stá más baratu na Kabu Vêrdi

Ess mês di dezembro kumêsa ku présu di combustível más baxu. Presus dixi em média 5,62 pur sentu.

Di akordu ku dadus di Agênsia Reguladôra Multissetorial di Ikunumia (ARME), gasóliu stá pa 129 skudu e 40 sentavu, kada litru, gasulina stá pa 138 skudu, petróliu stá pa 146 skudu e 60 sentavu, gasóliu pa iletrisidadi stá pa 115 skudu e 70 skudu e gasóliu marinha stá pa 100 skudu e 20 sentavu pa litru.

Gás sa ta bendedu pa 143 skudu e 70 sentavu kada kilu. Garrafas di gás di 3kg sa ta bendedu pa 409 skudu. Garrafa di 6 kg stá pa 862 skudu, kêl di 12 kilu e meiu stá pa 1.796 skudu e garrafa di gás di 55 kilu stá pa 7.901 skudu.

Presu di gás, gasulina, petróliu, gasóliu normal, gasóliu eletrisidadi, gasóliu marinha, fuel óleo 180 e fuel óleo 380 diminuí 1,91%, 2,82%, 5,17%, 7,37%, 8,17%, 8,07%, 5,95% e 5,45%, respetivamenti.