Show di Bola

Tubarôn Azul Ryan Mendes ê atualmenti midjor markadôr di sempre di Silesôn Nasiunal

Iinternasiunal kabu-verdianu Ryan Mendes ê atualmenti midjor markador di sempri di silesôn nasiunal.

Djugadôr passa Heldon Ramos mas konshedu pa Nhuc pa 1 golu di diferensa. Ryan stá ku 16 e Nhuc marka 15 gôlu pa nos ikipa nasiunal.

Enquanto issu nôs guarda-rêdis, Josimar Dias, más konshedu pa Vozinha, integra grupu di 11 ideal di 2ª jornada dess CAN.

Na lista ilaboradu pa Sofascore, guarda-redis di 37 anu distaka na vitória di Kabu Verdi kontra Moçambique pa 3-0.

Apoiu pa nôs Tubarôn: TACV Kabu Vêrdi Airlines tem programadu pa dia 29 dess mês um voo spisial Praia/Abidjan/Praia pa adeptus bai Costa di Marfim apoia nôs silesôn di futiból na djogu di oitavus-di-final di CAN, kontra Mauritânia.

Voo realizadu num parseria ku girassol tours ta sai di praia 8 óra di palmanhãn di dia 29 e ê ta volta 1 óra di madrugada di dia 30.