Show di Bola

Oji: Tubarões Azuis ta infrênta Mauritânia na oitavus di final di CAN, ku kaza más cheiu di adeptu

“Serenu e determinadu” ê assim ki rapazis di Tubarôn Azul krê entra kampu oji (29) pa djuga oitavus di final ku silesôn di Mauritânia.

Anúnsiu foi fêtu pa prisidênti di Fedrasôn Kabu-verdiana di Futiból, Mário Semedo e di akordu ku silesionadôr nasiunal, Bubista, ness mumentu só vitória ta interessa nôs ikipa, pa pôdi passa pa quartus di final e rapazis stá mutivadu pa keli.

Djogu stá markadu pa 4 óra tardi dess sugunda-fêra – horariu di Kabu Vêrdi e nôs ikipa ta konta ku apoiu di um grupu di serka di 100 adeptu ki bai di li ess sugunda-fêra, num voo charter di Cabo Verde Airlines.

Kabu Verdi ta djuga komu vensidôr di Grupu B, ku 7 pontu, e Mauritânia ta txiga komu 3º lugar di Grupu D.

Vensidôr di djogu di oji ta panha na próximo partida vensidôr di Marrocos x Áfrika di Sul.