Show di Bola

Ku passapórti karimbadu pa quartus di final, Tubarões Azuis ta konxi, oji, si adversáriu pa kontinua ta bua altu

Dipôs di gánha Mauritânia pa 1 – 0 e qualifika pa quartus di final di CAN, Tubarões Azuis garanti prémiu di 1,3 milhôn di dóla.

Oji gô nôs ikipa ta konshi si adversáriu na quartus di final, ki ta sai di partida entri Marrocos e Áfrika di Sul.

Dipôs di djogu sufridu, ku gôlu di vitória markadu di penalti pa Ryan Mendes, trenadôr Bubista flá mê stá inkantadu ku dzimpenhu di nôs Tubarôn.

Ê flá inda ma si ikipa sa ta trasa si kaminhu, konsentradu na ses djogu ku objetivu di ser kada bez mas forti.

Ómi di partida kontra Mauritânia, kabu-verdianu Jamiro Monteiro, didika vitória pa tudu kenha ki stá apoia ikipa e ê flá ma inda Silesôn Kabu-verdiana tem mutu más pa prova na CAN. “Ê fantástiku (…) nu dá más um passu pa frênti e inda nu ka mostra tudu”.