Show di Bola

Disportu Nautiku: Ta ranka oji na Sal Kampiunatu di Mundu di Kitesurf e Wing-foil ku partsipasôn di 25 kriôlu

Ilha di Sal tá resêbi di oji (16) ti dia 25 dess mês 1º sirkuitu di Kampiunatu di Mundu di Kitesurf e Wing-foil.

Disputa na Praia di Ponta Preta, na Santa Maria, ta konta ku partsipasôn di serka di 85 di kês midjor atleta di mundu ta riprisenta Kabu Verdi, Spanha, Brasil, África di Sul, Canadá, Marrocos, França, Itália, Bulgária, Alemanha, Merka, Países Baixos e Suíça.

Di kês atleta riprisentadu 15 ê kabu-verdianu e ês ta disputa na tudu dôs mudalidadi e na katiguria maskulinu e femininu.

Jovem velejador internasiunal kabu-verdianu, ki ta vivi na Suíça, Hendrick Lopes, ki ê 6º di ranking mundial di Kitesurf krê fazi stória na prova.

Tambê vice-kampiôn di mundu di Kitesurf, Matchú Lopes, stá fokadu na bons resultadu na Praia nundi ê kumêsa pratika e nundi ê gánha 1ª etapa anu passadu.

Strangêru tambê st adi odju na vitória. Velejador brasiléru Pedro Matos, tersêru di ranking mundial, trás di kabu-verdianus Airton Cozzolino e Matchú Lopes, flá ma êl sta li, fórti fisikamenti e mentalmente, pa luta pa vitória.