Info Praia

Oji ê dia Internasiunal di Língua Materna – ALMA-CV ta assinala data kum fórum

Ta silebradu ess quarta-fêra (21) Dia Internasiunal di Língua Materna. Assosiasôn di Língua Materna Kabu-verdiana (ALMA-CV) sta pripara um dibati pa êss sábadu (24) pa assinala data.

Fórum ta konta ku partsipasôn di spisialista strangêru e nasiunal pa dibati sobri valorizasôn di língua materna kabu-verdiana.

Inkontru ta ranka ku konfrênsista e linguista ganês Kofi Yakpo, ki ê prussôr di Linguístika na Universidadi di Hong Kong. Ê st abai papia sôbri si piskiza sobri ivolusôn di língua na sociedadi multilingui, ku foku na kontinenti afrikanu e na diáspora afrikana.

Tambê sta previstu um konfrênsia proferidu pa Prisidênti di República, José Maria Neves.

Duranti eventu ta ser abordadu temas sima: institusionalizasôn di língua criola- perpetiva, pulítika linguístika atual e sês konsequênsia, deskonstrusôn di ideia erradu- mitu sobri língua kabu-verdiana.

ALMA-CV ê um instituisôn ki kriadu na 2022 ki tem komu objetivu impulsiona mudança di pulítika linguístika na país. Ê tem komu membru linguista, invistigadôr e prufissiunal di diferente ária, presonalidadi ligadu à promosôn di língua kabu-verdiana, storiadôr e artista.