Show di Bola

Atletismu Internasiunal: Fundista di Santa Catarina konkista prova di 15,5 kilometru na Purtugal

Atleta kabu-verdiana Elenise Mendes di Emicela Team Kabu Vêrdi gánha prova di 15 kilometru e meiu di Fôz Coa Douro Trail na Purtugal.

Fundista di Santa Katrina di Santiagu kompleta prova na um óra e 41 minutu.

Inda na prova stevi ta partsipa otus kriolu di Emicela Team Kabu Verdi: Iderlindo Barros, di Són Dumingus fika na 3º lugar di prova di 20 kilometru.

Na mesmu prova partsipa ôtu dôs atleta, tudu di Són Dumingus: Márcio Tavares fika na 13º lugar e Mário Cardoso fika na pusisôn 18.

E Edson Correia, di São Nicolau, fika na 4º lugar di prova di 15 kilometru e meiu maskulinu.