Info Praia

Kapital ta resêbi ess sábadu oitavu idisôn di Fistival Grito Rock Praia

Tudo prontu pa 8ª idisôn di Fistival Grito Rock programadu pa ess sábadu na Prasinha di Skóla Grandi, na Platô, ku intrada di graça.

Ta bai atua quatu grupu: dôs di Kabu Vêrdi e dôs di Purtugal. Show pa parti di Kabu Vêrdi ta ser garantidu pa banda The Sourse e Archipels e di Purtugal stá bem: Viralata e Serrabulho.

Idisôn dess anu ê em omenagem a prussôr Tó Tavares, di Skola di Músika Pentagrama, pa rekunhêsi kontribuisôn ki prufissiunal tem dadu pa criança, artista e instrumentista através di formasôn musikal.

Di akordu ku mentor di prujetu Grito Rock Praia, César Freitas, eventu stá assosiadu a causa ambiental, ku objetivu di txôma atensôn pa nu ivita poluisôn, pa nô prutegi nôs mar e nôs tartaruga.