Info Praia

Gasulina e gás stá mas karu. Novus presu ta ser aplikadu ti fim des mês

Es mês di abril kumêsa ku atualizasôn di presu di combustível: gasulina e gás stá mas karu.

Gasulina ki staba 143 skudu e 60 sentavu, kada litru, góssi stá 148 skudu e 50 sentavu e gás ki staba 146 skudu e 90 sentavu kada kilu subi pa 148 skudu e 90 sentavu.

Góssi garrafas di gas di 12 kilu e meiu stá pa 1862 skudu. Garrafas di 6 kilu sta pa 894 skudu, di 3 Kg stá 424 skudu e garrafas di 55Kg st apa 8191 skudu.

Novus presu pôdi ser aplikadu ti fim des mês. E di akordu ku Agênsia Reguladôra Multissetorial di Ikunumia (ARME) kês otu produtu dixi, em média, 0,20 pur sentu.

Kês ôtu presu fika assim: Petróliu stá pa 140 skudu kada litru, gasóliu normal stá pa , 128 skudu e 30 sentavu kada litru e Gasóliu pa Eletrisidadi stá pa 114 skudu e 60 sentavu. Gasóliu Marinha stá pa 99 skudu e 20 sentavu, Fuel 380 stá pa 91 skudu e 60 sentavu e Fuel 180 stá pa 94 skudu e 40 sentavu.