Show di Bola

Ranking di FIFA: Kabu Vêrdi manti na pusisôn 65 na atualizasôn di abril

Di akordu ku atualizasôn di mês di abril di ranking di futiból maskulinu di FIFA, Kabu Vêrdi manti na pusisôn 65.

Dentu di nôs kontinenti Kabu Vêrdi stá na 13º lugar na ranking ki tem um Top 3 kompostu pa Marrocos na pruméru lugar, siguidu pa Senegal e Nigéria.

Kês ôtu país ki ta papia purtuguês dentu di nôs kontinenti stá rumadu assim na tabela mundial: Angola stá na pusisôn 94, Moçambique na pusisôn 110, Guiné Bissau 116 e São Tomé e Príncipe 188.

Lista mundial ta kontinua ku Argentina na liderança siguidu pa França e Bélgica. E pa komplêta Top 10 ta bem trás di Bélgica, Inglaterra, Brasil, Purtugal, Holanda, Spanha, Itália e Croácia.