Show di Bola

Es fim di simana konshedu mas 2 Kampiôn Regiunal, pa riprisenta ses regiôn pa Kampiunatu Nasiunal

Um dêz ê Boavista di Praia, ki konkista prova ta falta 2 jornada pa fim di kampiunatu. Konkista kontisi dipôs ki ikipa gánha Bairro pa 4 – 1 na djogu di vigésima jornada di prova

Keli é désimu títulu di Boavista ki dja staba sem labanta um tasa regiunal desdi épuka 2014/2015.

Kês ôtu djogu di 20ª jornada fika assim: Unidos do Norte 2 – Fiorentina 1; Akadémika 2 – Celtic 1, Desportivo 0 – Son filipe 0; Vitória 0 – Relâmpago 1 i Travadores 2- Sporting 1.

Rosariensi di Santantôn labanta taça di Kampiôn Regiunal na Santantôn Norti.

Nakêl regiôn prémiu di midjor trenadôr dadu pa Rui Lopes di Rosariensi e ikipa tambê ganha prémiu di midjor markadôr ki bai pa Rodrigo.

Midjor guarda rêdis fika ku paulo di Solpontensi. Djgadôr revelasôn bai pa Danilo di Foguetões, midjor djugadôr ê Lucas di Solpontensi e ikipa fair-play bai pa Rosariensi.