Info Praia

Livru Jornada de Empreendedorismo ta lansadu ess quarta-fêra na kapital

Livru Jornada de Empreendedorismo, di Marcos Barbosa Rodrigues e Luís Rasquilha t’aprisentadu ess quarta-fêra na Auditóriu di Banku di Kabu Vêrdi, na kapital.

Trabadju ê um konviti pa splôra kaminhus e segredu d’impreendedorismu, pa torna num agênti di mudança.

Tambê ê ta mostra ma impreendedorismu ê mutu más ki kria um nogósiu e sim um stadu di spritu e um forma di inkara dizafiu, odja oportunidade nundi ôtus ta odja obstákulu e transforma paixôn na empreendimentu prósperu.

Sobri kês autor
Luís Rasquilha é CEO di Ecossistema Inova. Ê tem 25 anu di spiriênsia komu konselhêru na 10 país e três kontinenti. Êl ê prussôr na Skola di Negócios na oropa e na América Latina. Êl ê spisialista na stratégia pa Harvard Business School.

Marcos Barbosa Rodrigues ê um impreendedor visionáriu ku txeu spiriênsia na mundu exekutivu e empresarial, ku formasôn na Gistôn d’Inovasôn na Purtugal e atualmênti êl ê Prisidenti di Assosiasôn Kumersial di Sotavento e prisidenti di Konselhu Suprior di Kâmara di Kumérsiu e Turismu di Kabu Vêrdi.