Show di Bola

Idison 2024 di djogu skolar sa kontisi na konsedju di Rubera Grandi di Santiagu, ku lema pratiku disportu, diskubri bu kaminhu

Partisipa na djogu skolar 100 alunu di 5º i 6º klassi di skolaridadi, ku 4 agrupamentu di skola di konsedju, na moladidadi di futsal, andebol, basketebol, ténis, siklismu, atletismu i voleibol femininu i maskulinu.

Djogu skolar ta sirbi pa prepara atleta pa partisipa na djogu nível nasional.

Guvernu kre inklui a partir di proximu anu letivu, judo i karaté komu modalidadi pa djogu skolar.

Sugundu ministru di disportu Carlos Monteiro ideia ê inklui judo na 2025 i fazi mesmu trabadju ku karaté, ki mesmu ku numeru, mas poku di atletas, pa fazi parti di olimpiadas di djogu skolar.