Show di Bola

Bubista divulga lista di konvokadu pa djogu frenti di Kamarões i Libia pa apuramentu pa Mundial 2026

Selesionador Pedro Brito, konxedu Bubista dja divulga lista di konvokadu pa djogu frenti di Kamarões i Libia pa apuramentu pa mundial 2026.

Joven avansadu Fabrício Duarte, di Estoril Praia, i guarda-redes Paulo Cassoco, di Strela d´Amadora ê kes nobidadi entri 25 selesionadu.

Kes otu konvokadu ê: Josimar Dias ‘vozinha’ – Bruno Varela – Tiago Gomes – Paulo i Santos Cassoco.

Defeza: Roberto Lopes ‘Pico’ – Edilson Borges ‘Diney’ – Logan Costa – Steven Moreira – Kelvin Pires – Jorge Xavier “Jojó” i Wagner Pina.

Médiu: Jamiro Monteiro – Patrick Andrade – João Paulo Fernandes – Deroy Duarte –Kevin Pina – Laros Duarte i Diogo Mendes.

Avansadu: Ryan Mendes – Garry Rodrigues – Tiago Correia ‘Bebé’ – Jovane Cabral –Hélio Varela – Dailon Livramento i Fabrício Garcia.

Djogu ku Kamarões ta kontisi dia 8 di junhu na stádiu Ahmadou Aido, na Yaoundé, pa 2 hora tardi, i ku Líbia ê dia 11 di junhu, pa 3 hora tardi na stádiu nasional.

Grupu d ê lideradu pa Kamarões,L i Kabu Verdi tudu ku 4 pontu kada, seguidu pa Angola ki teni 2 pontu, Ilhas Maurícias 1 pontu i Etswatini ku 0 pontu.

Kes 2 partida ê di 3º i 4º jornada di grupu d di kualifikason pa Mundial di 2026 ki ta kontisi na Kanadá, Merka i Méxiku i ta konta, pa prumeru bez, ku 48 sileson.

Kes 54 pais afrikanu divididu na 9 grupu di 6 sileson (grupu A ti I) i vensedor di kada grupu ta kualifika otomatikamenti pa Mundial 2026.

Kes 4 midjor sugundu lugar ta disputa final-four undi ta desididu ekipa ki ta representa Áfrika num respeskagem interkontinental, ki podi omenta pa 10 numbru di páis afrikanu na mundial.

Djogu di kualifikason kumesa na novembru di 2023 ta kontisi ti otubru di 2025, ku kada ekipa ta fazi un djogu na kaza i otu djogu fora, num total di 10 jornada.