Show di Bola

Triocean 2024 ta kontisi es domingu na sidadi di Praia

Sugundu idison di prova nasional di triatlo, Triocean, ta kontisi dia 9 di junhu, na Praia, ku partisipason di 24 ekipa i 72 atleta di 8 ilha di país.

Dipos di prumeru idison na Mindelo, sidadi di Praia ta resebi kompitison ki ta involvi na modalidadi di natason, siklismu i atletismu.

Sugundu Ministériu di Mar, objetivu di kompitison ê djunta tudu alguem pa sustentabilidadi d´aoseanu i di klima.

Otu objetivu d´eventu ê pa silebra Dia Mundial de Oceanos, 8 di junhu, ê kombati puluison, protegi ekosistema marinho pa reverti kursu di previson katastófika pa 2050 dum oseanu ku mas lixu ki pexi.