Show di Bola

Asa Stars sagra Kampion Regional di Andebol Sénior Maskulinu

Ekipa Asa Stars sagra Kampion Regional di Andebol Sénior Maskulinu, na Santiagu Sul, dipos ki ganha Girassol pa 29-22, na kuartu djogu di play-off.

Asa Stars ganha série disputadu na sistema di midjor di 5 djogu, pa 3-1, ku vitória di 34-21, 27-23 i 29-22 além dum dirrota 20-22 na triseru inkontru.

Ku vitoria asa stars distrona Girassol ki ganha kampionatu anu passadu.

Es 2 ekipa ta ripresenta Santiagu Sul na Kampionatu Nasional di modalidadi, undi asa stars ta bai fazi difesa di titlu nasional.

Na final femininu, ABC ganha Girassol pa 27-21, impata série pa 2-2 i leba disison pa kintu djogu.