Show di Bola

FCA garanti novu kondison pa partisipason di ekipa na kampionatu nasional di skalon sénior feminino i maskulinu

Federason Kabu verdiana d´Andebol – FCA – sa garanti novu kondison pa partisipason di ekipa na Kampionatu Nasional di skalon sénior feminino i maskulinu ki ta kontisi na Praia i ilha di Sal.

Pa skalon sénior femininu, undi kompitison ta ranka dia 10 di julhu, na Praia, ekipas ke ka di ilha di Santiagu ta garantidu viagi di avion ida i volta.

Federason Kabuverdiana di Andebol ta providensia instalason pa alojamentu i alimentason duranti priudu di kampionatu.

Pa skalon sénior maskulinu ki ta disputadu di 22 ti 27 di julhu, na ilha di Sal, federason di modalidadi 2 opson di kondison pa ekipa partisipanti.

Na prumeru kondison fca ta pui possibilidadi di garanti passagem pa un perkursu d´avion i kelotu di barku i també alojamentu, mas responsabilidadi di alimentason ta fika na responsabilidadi d´ekipa.

Na sugundu kondison, ekipa podi opta pa fazi viagi ida pa ilha di Sal di barku i responsabilidadi di alojamentu i alimentason ta ser di fCA.