Show di Bola

Big Edy ê kampion di Spanha na Basketebol

Edy Walter Tavares konquista si Kuartu títlu di kampion di Spanha. Basketebolista kabu-verdianu kontribui pa vitória (84-73) di Real Madrid riba Múrcia na triseru djogu di final di liga ABC ki fitxa eliminatoria ku 3-0.

Es vitória garanti ekipa merengue di si 37ª titlu di kampion di Spanha, undi és rekupera tronu konkistadu pa Barcelona na époka passadu.

Keli ê kuartu titlu di kampion di Spanha di Big Eddy, dje karregaba tasa na 2018, 2019 i 2022.

Keli ê triseru titlu di Edy Tavares, dipos di konkista Superkopa i Kopa de Rey.

Na nível individual, basketebolista elegedu midjor defensor di liga spanhola des temporada – si kuartu konsekutivu.

Real Madrid prolonga si kontratu ku internasional kabu-verdianu ti 2029. Ku es novu kontratu, Edy Tavares, passa ta tem un saláriu brutu anual suprior 5 milhon d´euro (kuazi 3 milhon d´euro líkidu).