Show di Bola

Institutu di Disportu i di Juventudi ta dá formason di formador em étika na disportu na Son Niklou

Institutu di Disportu i di Juventudi (IDJ), djuntu ku Kamara Munisipal di Tarrafal di Son Niklou, sa ta dá formason di formador em étika na disportu, ku durason di 5 dia.

Ason formativa ki sa konta ku serka di 30 partisipanti sta dentu d´implementason di planu nasional d´étika na disportu.

Sugundu formadora Maria do Rosário objetivu ê dá formandu konhesimentu ki ta lebas a promovi un disportu voltadu pa valor étiku, i modi kes ta previni problema realasionadu ku disportu.

Sta partisipa na formason trenador, prussor d´edukason, dirigenti disportivu i pratikanti, ki futuramenti ta tem papel di kapasita mas pessoas na étika disportiva.

Formason ê promovidu pa institutu di disportu i juventudi (IDJ), djuntu ku delegason d´edukason di Tarrafal di Son Niklou i Kâmara Munisipal di Tarrafal di Son Niklou.