Show di Bola

Sporting di Pany Varela, ê tretrakampion di purtugal di futsal

Na 3º djogu fitxa konta di final i Sporting di Pany Varela bira prumeru tretrakampion na stória di futsal português.

Lion dirrota, braga, pa 6-3 i selebra sugundu titlu des époka. Sporting também ganha tasa di liga.

Pany Varela elegedu midjor futsalista di mundu pa futsal planet, ê si 8º titlu di kampion di purtugal na karrera ( 2 na Benfika i 6 na Sporting).

Kabu verdianu tem inda titlu di 1 kampionatu do mundo,1 finalíssima interkontinental futsal, 2 kampeonatu d´ Oropa, 3 UEFA Futsal Champions League (1 pa Benfica i 2 pa Sporting), 7 tasa di Purtugal, 7 Supertasa di Purtugal, 4 tasa di liga i 2 tasa di honra AF de Lisboa.

Nes temporada Pany Varela marka 16 golu na 46 djogu, na total ê tem 524 djogu di karera (92 djogu pa Purtugal i 432 na klubi) i 208 golo (32 pa Purtugal i 176 na klubi)

So na Sporting ê fazi 336 djogu i 126 golu.

Anilton césar varela silva nasi na kabo verdi dia 25 di fevreru di 1989 na Tarrafal di Santiago.

Ê streia komu sénior na Benfika, undi ê fika pa 3 époka. Ê passa pa Belenenses i Olivais, Adfundão antis di txiga Sporting undi ê sta na si oitavu temporada.