Show di Bola

Jayla Pina i José Tati kualifika pa Djogu Olímpiku Paris 2024

Nadador kabu -verdiana Jayla Pina – feminino, 200 metru mistu i José Tati na maskulinu 50 metru livri dja sta kualifikadu pa Djogu Olímpiku Paris 2024.

Atletas konsegui kualifikason através di vaga di universalidadi, dadu pa Federason Internasional di Natason – FINA.

Jayla Pina i José Tati partisipa na ultimu Kampionatu Afrikanu di Natason na Angola, undi es konsigui resultadu ki garanti un pontuason sufisienti pa kualifika.

Keli ê sugundu partisipason di Jayla na djogu olímpiku, dje partisipaba na atleta Olímpika na Tokyo 2020 i José Tati , di apenas 16 anu, ta fazi si streia komu atleta, mas jovem di sempri a kompiti pa Kabu Verdi na djogu olimpiku.

Kabu Verdi bati rekordi na numbru di atleta num idison – 7. Jayla Pina i José Tati ta djunta ku Samuel Freire na atletismu – maratona, Victor Alvares na esgrima – florete, David Pina i Nancy Moreira na boxe 51 kilu i 66 kilu i Djamila Correira e Silva na judo.

Djogu Olimpiku di Paris 2024 ta ranka dia 26 des mês i ta finda dia 11 d´agostu.