![](https://praiafm.biz/wp-content/uploads/2024/09/1900x1900-000000-80-0-0-fotor-202409051485-320x160.jpg)
Show di Bola
Marilson Semedo i Heidilene Lopes ê kes atleta ki ta representa Kabu Verdi na Djogu Paralimpiku Paris 2024
24 Jul 2024 @ 17:00Atletas kabu verdianus Marilson Semedo i Heidilene Lopes ê kes atleta ki ta representa Kabu Verdi na Djogu Paralimpiku Paris 2024.
Marilson Semedo, ta bai kompiti na lansamentu di dardu i velosista Heidilene Lopes i si guia Jailson Oliveira ta kompiti na 100 i 200 metru.
Final d´ abril des anu, Heidilene konkista medalha d´oru na 100 i 200 metru na grandi Prémiu di Marraquexu i Marilson Semedo konsegui 2 medalha di bronze na lansamentu di dardo i disku, na mesmu kompetison.
Inagurason di djogu Paralímpiku Paris 2024 sta previstu pa dia 28 d´agostu, um mês dipos di djogu olímpiku ki abertura ofisial sta markadu pa es sexta fera, dia 26 di julhu, undi Kabu Verdi sa partisipa ku maior komitiva di sempri ku 7 atleta.
![](https://praiafm.biz/wp-content/uploads/2024/07/MarilsonHeidilene.jpeg-560x332.jpg)