Show di Bola

Djogus di Paris: David Pina ta disputa oji si sugundu kombati

Pugilista kabu-verdianu David Pina, ta entra arena oji pa si sugundu kombati, na Djogus di Olimpicos di Paris 2024, ki sta kuntisi manenti, na França.

Na luta di kuartu di final, atleta ta infrenta zambianu Patrick Chinyemba

Si David Pina sai vensedor des luta ë ta garanti prumeru medalha olimpiku di sempri pa Kabu Verdi, dja ki na boxe 2 semi-finalista vensidu ta garanti un lugar na podiu.

Disputa sta markadu na arena Paris Nord, pa 6 e 4 di tardi, ora di Kabu Verdi.

David Pina ganha si prumeru kombati i ku es resultadu ë bira prumeru pugilista kabu verdianu di sempri a ganha un luta na djogu olimpiku i prumeru atleta kabu verdianu a resebi diploma olimpiku konkistadu pa Kabu Verdi na kompitison.

Atleta sta entri kes 8 midjor na kategoria di 51 kilu.