Show di Bola

Jose Tati, Nancy Moreira e Jayla Pina fika pa kaminhu na Djogus di Paris 2024

Nadador kabu -verdianu Jose Tati ka konsegui apura pa semi- final di Djogu Olimpiku di Paris 2024.

Atleta fika 4º lugar na si serie di iliminatória ku si midjor tempu pessoal di 26 segundu e 66.

Na iliminatória di 50 metru livri, realizadu 10 série e kes 16 midjor tempu kualifika pa semi-final.

Jose Tati, di 16 anu, fika na pusison 59 num total di 73 atleta, na kategoria di 50 metru livri.

Dja Nancy Moreira perdi si prumeru luta na Djogus Olimpicos di Paris, mesmu dipôs di vensi prumeru round.

Kabu-verdiana kompiti ku belga Pshin Derieuw, kampion di mundu na katiguria 66 kilu.

Nancy bai djogus di Paris como numbru 1 di Afrika e  numbru 2 di boxe na ranking mundial di IBA – Asosiason Internasional di Boxe.

Inda na djogus olímpicos, Jayla Pina di pina fika na 3° lugar di si série ku tempu di 2 minutu 24 sugundu e 51 désimu

Nadadora kabu-verdiana foi um di kes dôs atleta afrikanu nes prova , undi é fazi si midjor tempu di temporada.

Jayla ki sta partisipa pa sugundu bez na djogu olimpiku, ka kunsigui passa pa meias- final dipôs di sinku série.