Show di Bola

Djogus Paralímpikus di Paris 2024 ta ranka oji ku partisipason di Kabu Verdi

Ta kumesa oji (28), Djogus Paralímpikus di Paris 2024 ku númbru rekord di dilegason e di mudjer.

Sugundu Kumité Paralimpiku Internasiunal, iventu ta konta ku serka di 4.400 atleta, di 168 país pa 540 iventu di midália, na 22 mudalidadi disportivu.

Númbru, ta inklui 167 Kumité Paralimpiku Nasiunal, um ikipa di refugiadu ku oitu membru e ti 98 atleta neutru ( 90 di Rússia e 8 di Bielorrússia).

Na djogu des anu, sta speradu um rekord di 1. 983 mudjeris, mesmu kes ka ta riprisenta 50% di atleta prupostu pa olimpiada di Paris.

Delegason di Kabu Verdi na Djogus Paralimpiku Paris 2024 é formadu pa oitu alguém, lideradu pa Orlandinho Mascarenhas.

Kabu Verdi ta sta riprisentadu na prova pa Marilson Semedo na lansamentu di dardu e pa Heidilene Olivera e si guia Jailson Oliveira na atletismu 100 e 200 metru.

Marilson ta kumpiti sabadu li (31), pa 4 ora tardi di Kabu Verdi ku objetivu di midjora si marka ke di 38,20 metru. Dja Heidilene Oliveira ki sta streia na djogu paralimpiku ta kompiti dia 04 e 06 di sitembru.

klika e konxi xpetativa di Marilson pa prova des fim di simana.