Show di Bola

Regiunal di xadrez na Santiago e Saniklau dja teni kampion

Marlon Almeida é novu kampion di Saniklau no xadrez dipôs di ganha 7º Kampionatu Regiunal Individual Absolutu.

Marlon Almeida e Wesley Oliveira fika ku mesmu 3,5 pontu, ma só ki Marlon ganha na kritériu di dsempati. Na triseru lugar fika Marcelo Nicolau ku 3 pontu.

Iventu é organizadu pa Assusiason di Xadrez di Saniklau num parseria ku Federason Kabu-verdiana di modalidadi.

Marlon Almeida gossi ta bai riprisenta Saniklau na fazi preliminar di kampionatu regiunal nasiunal markadu pa mês di otubru.

Inda na xadrez: Elton Yanick Borges konkista titlu di kampion di Santiago sul di xadrez ta ganha sinku partida.

Keli é prumeru bez ke sta partisipa na kompitison ofisial, undi é fla me entra sem xpetativa, ma kantu é kumesa ganha é difini si própri stratégia di djogu.

Yanick Borges ta bai riprisenta region desportivu di Santiago sul na Kampionatu di Kabu Verdi di Xadrez, ki ta ranka otu mês.