Show di Bola

Seleson nasiunal di andebol priparadu pa Mundial 2025

Selesiunador nasiunal di andebol sénior maskulinu, Jorge Rito, konvoka sinku djugador residenti pa stágiu di priparason pa kampionatu di mundu.

Di akordu ku Federason Kabu-verdianu di Andebol, Cristin Spínola e Vagner Spencer (Girassol), Isaiais Sousa (Asa Stars) Edmar Fonseca e Luis Fortes (Garridos) é kes atleta skodjedu pa selesiunador nasiunal.

Atleta selesiunadu dipos di partisipa ku seleson nasiunal di djugador residenti na triseru idison di Tarrafal Cup, ki kuntisi na Praia.

Seleson nasiunal di andebol ta kumesa na mês di nuvembru, um stágiu na Portugal e Kuwait, antis di partisipa na mundial. Kabu Verdi sta na grupu G djuntu ku Eslovénia, Islândia e Cuba.

Kampionatu di mundu di 2025 ta disputadu entri 14 di janeru e 02 di fevreru, entri Noruega, Croácia e Dinamarca.