Show di Bola

Tubaron Azul ta disputa oji djogu disisivu di kualfikason pa CAN 2025

Seleson kabu-verdiana di futebol ta djuga oji ku ikipa di Botswana pa 4º jornada di Grupu C di kualifikason pa CAN 2025.

Na djogu di 3º jornada ki kuntisi na Stádiu Nasiunal, Tubaron Azul perdi ku Botswana pa 1-0.

Na djogu di oji, markadu pa 3 ora di Kabu Verdi, na Stádiu Odeb Chilume, na Francistown, seleson nasiunal mesti ganha pa passa pa fazi final.

Kabu Verdi sta na sugundu lugar di grupu C ku tres pontu, mesmu ki Botswana e Mauritãnea. Egipto, ki ta djuga també es tersa -fera ku Mauritãnea, mesmu ora ki Kabu Verdi, sta lidera ku 9 pontu.

Kes doz prumeru klassifikadu ta bai djuga na CAN 2025 ki ta kuntisi na Marrocos